♥સ્કૂલનો એ પહેલો દિવસ♥
♥આ કાવ્યના લેખક:-રુત્વીન શાહ
યાદ મને સ્કૂલનો એ પહેલો દિવસ...
સાવ નાના પગલાં ને મસમોટી બસ...
છૂટયો'તો હાથ તે'દિ મમ્મીને પપ્પાનો
મળ્યો'તો સાથ દોડ-પક્કડને થપ્પાનો,
કોણ જાણે કેમ એ'દિ રડયો તો બહુ
મળી'તી ચોકલેટ છાનો જો રહુ!
માટીનો પ્રેમી ક્યાંથી પાટીમાં રસ?
યાદ મને સ્કૂલનો એ પહેલો દિવસ...
હીંચકાએ એવું શિખવાડયું કે
ઠેસ થોડી ખાઓ તો પછી બધું હીંચે,
મહેનતથી ઉપર જો ચઢીએ
તો કદી અવાય નહીં લપસીને નીચે
પંખીનો માળો ને શાળા એકરસ...
યાદ મને સ્કૂલનો એ પહેલો દિવસ...
કક્કો શીખ્યોને પછી ઘૂંટયો બરાબર
ને તોય રહ્યો સૌથી હું કાચો
એવો કાચો કે આજે જાતે બનાવેલો
કક્કો પડાવું છું સાચો...
રાહ જોઉં પાછા મળે વિત્યા વરસ...
યાદ મને સ્કૂલનો એ પહેલો દિવસ...
No comments:
Post a Comment